இந்த உலகத்திலே உள்ள செல்வங்கள் அனைத்தும் அழியகூடியவை.ஆனால் அழியாமல் நிலைத்திருக்க கூடிய ஒரேயொரு செல்வம் கல்விமட்டுமே!

 நாம் வாழும் காலத்தில் மட்டுமல்ல, நாம் மறைந்த பின்னாலும் கூட, நாம் பெற்ற கல்வியின் சிறப்பு பேசப்படக்கூடியது!

அதனாலே காலத்தை வீணாக்காது சிறுவயதிலிருந்தே நாம்கல்வியை முறையாக கற்க வேண்டும்! படிப்பதற்குரிய மிகச்சிறந்த காலம் இளமைக்காலம் ஆகும். 

இதையே ஔவைப்பாட்டி "இளமையிற்கல்"  என்று சொன்னார்.  ஆனாலும் முதுமை வரையிலும்கூட கல்விகற்பதைத் தொடரலாம். 

நிலத்தை ஆழமாக வெட்ட வெட்டத்தான் நீர் ஊறும்! அதைப்போல், தொடர்ந்து நல்ல  நூல்களைப்படித்து வருகின்றபோதுதான் அறிவும்வளரும்.

எனவே படித்தலை நாம் எந்தக் காரணத்தாலும் நிறுத்தி விடக்கூடாது.    

அறிவற்றவன் எவ்வளவு செல்வந்தனாக இருந்தபோதும் அல்லது பலசாலியாக இருந்தபோதும் உலகம் அவனை மதிக்காது!

ஆனால் கல்விஅறிவு நிறைந்தவன் வறுமையில் வாடினாலும் அவனது அறிவுக்கு உலகத்தார் தலைவணங்குவார்கள்.

இத்தகு சிறப்பு மிக்க கல்வியைக் கற்காது சிறுவர் நாம் காலத்தை வீணக்கலாமா! இப்போதே படிக்கத் தொடங்குவோம்.

படித்த வழியிலே இந்த பார் புகழ வாழுவோம்! அழியாத சித்திரம் படைப்போம்

நன்றி